आल्ल्याचे औषधी गुणधर्म व उपयोग
Ginger is useful for health
• मराठी नाव : आल्ले
• हिंदी नाव : अद्रक
• शास्त्रीय नाव : Zingiber officinale.
• स्वरूप: आल्ले हे एक भूमिगत खोड असून ते एक पिक आहे.
• रंग : भुरकट पिवळसर तपकिरी.
• पाने : हिरव्या रंगाची मध्यम आकाराची गडद हिरव्या रंगाची असतात.
• आहारात वापर : आल्ले वनस्पतीच्या खोडाचा वापर आहारात केला जातो.
• आल्ल्यात असणारे घटक :
आल्ल्यामध्ये कॅल्शियम, आयर्न, पोटॅशियम, फॉस्फरस,व्हिटामिन ए, बी, सी असते.
• आल्ल्यातील औषधी गुणधर्म व वापर:
• आल्ले हे चहातून, जेवणातून तसेच इतर पदार्थातून आहारात वापरले जाते.
• आल्ले खाल्यामुळे रक्तात असणारे कोलेस्टेरॉल कमी होण्यास मदत होते. तसेच रक्त पातळ होते. रक्तात गुठळ्या होत नाहीत.
• आल्ल्याने रक्तदाब नियंत्रित राहतो.
• ज्या लोकांना हृदयविकार म्हणजेच ब्लडप्रेशरचा त्रास आहे त्यांनी नियमित अर्धा इंच आल्ले व काही लसूण पाकळ्या एकत्रित चेचून खाल्या पाहिजे.
• पित्त विकार असलेल्या लोकांनी तसेच जर उलट्या होत असतील, गरोदर अवस्थेत दुसऱ्या ते पाचव्या महिन्या दरम्यान होणाऱ्या उलट्या व त्यापासून होणारा त्रास, तेलकट पदार्थ खाल्यामुळे होणारे विकार यासाठी आल्याचा रस अर्धा चमचा, पुदिन्याच्या पानांचा रस अर्धा चमचा व अर्धा चमचा मध यांचे चाटण तयार करून दिवसातून तीन वेळा तरी सेवन केले तरी आराम मिळतो, तसेच उलट्या थांबतात. व् अन्न पचनासाठी मदत होते.
• अपचन व असिडिटी साठी आल्ल्याचे नियमित सेवन चांगले असते.
• आल्ल्याच्या नित्य सेवनाने रोग प्रतिकार शक्ती वाढते.
• आल्ल्याच्या पाण्याचा काढा करून रोज पिल्यास डायबेटिस म्हणजेच मधुमेह कमी होण्यास मदत होते.
• आल्यात अँटी ऑक्सीडेंट, अँटी इन्फालमेंटरी घटक असल्याने कॅन्सरचा धोका कमी करते.
• आल्ले घालून तयार केलेला चहा पिल्याने घसा दुखित आराम मिळतो. व् सर्दी खोकला कमी करण्यासाठी मदत होते.
• स्त्रियांना मासिक पाळीत त्रास होत असेल तर त्यांनी आल्ल्याचा तुकडा, साखर कपभर पाण्यात टाकून उकळून ते पाणी पित राहिल्यास मासिक पाळीत होणाऱ्या वेदना कमी होतात.
• आमदोषात पोटात होणारी कळ थांबवण्यासाठी आल्लें घालून केलेला लिंबू सरबत उपयोगी पडतो. दिवसातून तीन वेळा घेतल्याने आराम मिळतो.
• सर्दी,ताप अंगदुखी, सांधेदुखी, पाठदुखी यावर आल्याचा चहा नियमित सेवन करणे लाभकारी असते.
• आल्ले केव्हा खावू नये?
• आल्ले उष्ण तत्वाचे असल्याने उन्हाळ्यात कमी खावे.
• उच्च रक्तदाब,पोटात अल्सर असेल, रक्तपित्ताचा त्रास असेल तर आल्ले खावू नये.
असे आहेत आल्ल्याचे औषधी उपयोग
